Viser arkivet for stikkord dans

Skal vi danse?

Komande laurdag går dørene opp for dansemoro av dei sjeldne i Borgja på Ålhus!
Jølster musikklag flyttar trommesettet fram og trompetane bak og let slepne storband-låtar fylle storsalen i det flotte kulturhuset midt på Jølster. Men ikkje nok med det: Med seg i eigne avdelingar med dansemusikk frå scena har dei Midtun pavillion orkester frå Bergen! Frå sine turar til Mozel-dalen, Rhindalen og Kulmbach stiller orkesteret med tyroler-inspirerte uniformer og ditto musikk!

Les meir…

JAZZ PÅ JØLST 2012

12.-14. OKTOBER

Billettar
Billettprisane (sjå plakaten) skal lesast slik: vanleg pris / medlems- og studentpris / under 20 år.
Førehandssal av billettar til arrangementa på Skei Hotel, tlf. 57 72 78 00. Elles i døra.

Jazzpass
Pris: kr 600 / 450 / 180. Blir selt i døra. Gjeld alle konsertane unnateke Ola Kvernberg Kvartett.

”Jazzplask”
På Skei Hotel blir det spesialpris for bading heile helga: Gratis for alle som bestiller lunsj laurdag og søndag, elles kr 50 for vaksne og 25 for barn.

”Eksotisk hjørne – med mat som swingar”
I matsalen på Skei Hotel blir det eit eksotisk hjørne med eit utval av spennande rettar frå nokre afrikanske land både til lunsj og middag. Dette er eit samarbeid mellom Skei Hotel og bebuarane på Jølster Mottak.
Les meir…

Kortreist storband-fest i Borgja!

Det hender ein gler seg så mykje til noko at ein byrjar å drøyme om det! I natt hadde eg ein slik draum. Den handla om storbandfesten i Borgja komande laurdag, palmelaurdag altså. Då byter Jølster musikklag kornettane ut med trompetar, uniformene ut med kjolar og laus snipp og korps ut med storband! Det er ingen draum, det er heilt sant. Førsteklasses storband-musikk i tre sett på den største og finaste parketten i Jølster å svinge seg på! Og den beste akustikken for å nyte musikken. Nemnde eg Hilde? Hilde Hegrenes på syng, låtar som til dømes Minnie the moocher, Pretender og Save the last dance for me! Puss skoa, meld deg på og kom!

Folkelege og spennande artistar til Jazz på Jølst 2011

New Orleans-stemning, lokal speleglede, trompetmagi, snerrande tuba, standardjazz og swing er berre nokre av stikkorda til Jazz på Jølst 2011. Vi i Jøster Jazzklubb er strålande nøgde med årets program og håpar at mange kjem på konsertane og let seg begeistre.

Vi snakkar altså om førstkommande helg; 14.—16. oktober, og det heile startar fredag kveld kl. 20.00. Då entrar maestrovinnar, komiprisvinnar og ikkje minst jazzdiva HILDE LOUISE ASBJØRNSEN scena på Skei Hotel. Vi er budd på ein (bortimot) fullsett Jølstersal og ventar stor stemning.

Stemning blir det heilt sikkert på Fjøsen kl. 22.00 også, om enn av litt anna slag; PELBO speler frå det rykande ferske albumet sitt som dei slepp denne kvelden. Ikkje så ofte det er plateslepp i Jølster!

Laurdag kl. 14.00 blir det gratis kafékonsert på Audhild Vikens Vevstove. Det lokale bandet VERK har lovt å blande jazzlåtar inn i repertoaret sitt.

YTRE SULØENS JASS-ENSEMBLE og TRICIA BOUTTÉ veit å skape begeistring blant tilhøyrarane. Når dei speler opp laurdag kveld kl. 20.00 blir det garantert høg New Orleans-faktor i Jølstersalen.

Etter dette er det ny konsert på Fjøsen, då med LENA SKJERDAL TRIO. Her blir det fin blanding av standardlåtar og Lenas eigne komposisjonar.

Både fredag og laurdag kveld kan vi svinge oss til dansbar jazz i kombinasjon med det vanlege repertoaret til hotellmusikarane, Ivan og Valentina, i baren på Skei Hotel.

Då er vi komne til søndag, og dei som vil kan få ein god start på dagen ved å følgje gudstenesta på Vassenden kyrkjesenter kl. 11.00. Her blir det jazzpreg frå fyrste tone, m.a. vil HAYDEN POWELL, som skal ha konsert same stad kl. 16.30 saman med trioen sin, glede oss med vakker trompetmusikk.

Vi sel både einskildbillettar og jazzpass og vågar den påstanden at du får mykje musikk for pengane om du vel ”full pakke”. Meir informasjon om artistane og om billettar og jazzpass finn du her og på www.jolsterjazz.com. Sjå også etter annonse i lokalavisene.

På Skei Hotel blir det ”Badejazz” (spesialjazzpris på bading) og Jazz à la carte i restauranten. Dei har også gode overnattingstilbod. Meir info. på www.skeihotel.no eller ring 57 72 78 00.

Jølster Jazzklubb ønskjer hjarteleg velkommen til Jazz på Jølst 2011!

Trakkar til med fest i Gjesthalla!

Eg er jo sunnfjording eg og, smiler Hilde Hegrenes, solist både med Jølster musikklag og bandet Verk på dansefesten i Gjesthalla komande fredag. Eg likar ikkje å stikke meg fram, akkurat. Men det er berre så utruleg kjekt å synge! Når ting funkar, alt stemmer og det tek til å svinge. Då er det berre å trakke til!

Les meir…

Jazz på Jølst 2010 – programmet er klart!

Gisle Børge Styve Trio til Jazz på Jølst 2010!

Helga den 15.-17. oktober vil Jølster stå i jazzen sitt teikn. Det blir til saman sju konsertar frå ulike scener, og det blir musikk for både jazzelskarar og dei som kanskje trur dei ikkje likar jazz.

Først ut er Gisle Børge Styve Trio. Trioleiaren skulle vere velkjend for eit breitt publikum, og i det heile blir det både etablerte og mindre kjende namn du kan få med deg under Jazz på Jølst 2010.

Fredag 15.10. blir det først kveldskonsert med Gisle Børge Styve Trio på Skei hotel, deretter konsert med Tore Hovde Trio på Fjøsen.

Laurdag 16.10. opnar tidleg på ettermiddagen med gratis jazzkafé på Audhild Vikens Vevstove. Kveldsprogrammet tek til med Janne Nybø Kvintett på Skei Hotel, så kjem Hot Club d’Aalesund på Fjøsen før Florø Storband rundar av med dans på Skei Hotel.

Søndag 17.10. blir det ettermiddagskonsert med Karl Seglem Kvartett på Vassenden kyrkjesenter.

Oppfordringa er med dette servert: Gi jazzen ein sjanse og støtt opp om eit nytt kulturarrangement i Jølster!

Les meir om artistane og programmet i kalendaren her på Jølster Origo:
Program Jazz på Jølst 2010